قال قمة عربية قال بلا قرف

مش عارف ليه الناس حاطه فى دماغها قوى موضوع القمة العربية دى
وهل حتتعمل فى السعودية ولا قطر ولا سوريا ولا الكويت ولا مين حيحضر ومين مش حيحضر
مصر موافقه ولا مش موافقه ولو موافقه موافقه على اى واحده فيهم الاقتصادية فى الكويت ولا الخلجية فى السعودية ولا الغير عادية فى قطر
لا وتلاقى الناس مستنيها بفارغ الصبر وعايزه تتابع الاخبار وتشوف الجلسات حيحصل فيها ايه
بلا قرف ياجماعه يعنى هما دول بتوع افعال ولا دول ناس بتحس اصلا
ولا عملوا ايه غير شوية بيانات وشوية ورق كلام فارغ من غير اى قيمة حتى عند الكاتب اللى بيكتب وراهم كلامهم فى الجلسات
قال ايه قال حتخرج بقرارات قرارات ايه يا ابو قرارات عيب الكلام ده مش علينا ده احنا قارشين ملحكم كله
قال ايه قال ابوالغيط يقولك ان القمة اللى فى قطر حتاثر سلبيا على القمة اللى فى الكويت من ناحيه ايه بقى مش عارف يمكن الباشوات الحكام حيتعبوا من المشوار والارهاق وكده ولا يمكن شوية المزز اللى بيصحبوهم لحد الجلسات مش حيقدروا يغطوا الزيارات كلها من قطر وللسعودية وللكويت ولا يمكن الجو برد فى قطر
انتوا بتقولواااااااااااا ايه اصلا
ولا فاكرين اننا منتظرين حاجة منكم ومن القرف اللى بتسموه جامعه الدول الفقرية
طيب استنيت بتاعت السعودية

كل اللى طلعت بيه منها انهم بيرحبوا جدا جدا جدا بدعوة الملك اللى دعاهم للقمة وبيبوسوا ايده وش وضهر
وانهم بيموا كل حملهم على القمة فى الكويت
طيب ودلوقتى جانى خبر عاجل من وليد راشد بانه قطر وموريتانيا قطعوا علاقاتهم مع اسرئيل

ههههههههههههه
دلوقتى بس عرفوا بالوسيلة دى طيب تيت ابو كده عرب بجد
ايه اللى بيحصل كان فين قرار زى ده وبعدين ماهوا بيوم الاحد حيحل وقف الاطلاق النار على ما اعتقد يعنى
وحياة امى بعدها باسبوعين لاترجع العلاقات واحسن من الاول كمان
دى لو اتقطت فعلا يعنى
بعيد عنكم اللى بيحصل تحت الطرابيزات او تحت وفوق والسرر جمع سرير يعنى اكتر من اللى بيحصل فى العلن
طيب ننتظر على كده قمة الكويت
ومبدئيا حيحصل التالى
مص تدين وبشدة الكويت تدين وترفض السعودية بعد مايبوسوا ايد الملك ترفض وتديم واحتمال يجلدوا الطبيبين المصرين لانهم ليهم علاقه باسرئيل تقريبا المصل كان بيجى من اسرئيل
اه ماتنسوش الصورة اللى حيتصورها سوا ولازم كل واحد يفتح بوزه اللى زى بوز الحمار ويضحك يمكن الصورة تطلع حلوة