كل فتره كنت بحن للمدونة دى جدا وأبقى عايز أرجعها وأكتبها فيها عملت بعدها وقبلها مدونات كتير لدرجة لما كان زماااااان يقال أنه فيه 160 ألف مدونة فى مصر كنت بقول أنل ليا فيهم بتاع 50 واحده :)
المدونة كان أسمها وحيفضل ॥ ضرب نار
زمان كنا بنخاف من ضرب نارهم ,, لحد ما فعلاً ضدنا أستخدموه
ولقينا أنه بالعكس سهل مش زى ما كنا متخيلين أمر صعب
لاهو كان أمر صعب عليهم فى إطلاق النار والرصاص علينا
ولا كان أمر صعب على صدورنا
وأتفتحتله أكتر من 600 صدر ,, صدر عارى من خيرة شباب مصر
حقهم ودمهم ونارهم فى قلوبنا ,, مش حيوقفنا تانى أى ضرب نار
