رؤية متواضعه فى الاضراب القادم لسته ابريل

التوبك ده كتبت من اسبوعين بعد خروجى من سته ابريل يعنى ممكن تلاقوا فيه تحامل شوية عن الحركة او افعالها بس ياريت محدش ياخد الحكاية على انها شخصية اطلاقا لا
واللى شدنى لوضعه دلوقتى يمكن ظهور ايفينت بالاضراب من الحركة

مش عارف ليه حبيت اكتب النهارده عن الاضراب اللى جاى

يمكن علشان قاعديين اربع شهور بالتمام والكمال

30*4

120 يوم

يمكن الناس شايفه انه لسه بدررررررررررررررررى على التفكير فى الاضراب اللى جاى

وهل اصلا حيبقى فيه اضراب ولا لا وايه شكل الاضراب ده لو كان فيه

انا عن نفسى شايف ان المدة دى قليلة جدا من اجل الدعوة لاضراب تانى فى مصر

لانه نجاح دعوة الاضراب الاولانى وبقول نجاح الدهوة للاضراب مش نجاح الاضراب فى حد ذاته

كانت عواملها مختلفه

360درجة مش 180 بس

والظروف وقتها كانت غير الظروف اللى بتمر بيها مصر دلوقتى والفترة القادمة او حتى ظروف العالم كله

لو اتكلمنا فى هل حيبقى فيه اضراب من عدمه

اعتقد انه بعد ما حركة شباب سته ابريل بدائت تناقش وتعد لاهداف الاضراب فاكيد حيكون فيه اضراب ده شئ مفروغ منه

نيجى بقى للاهم

الدعوة

الشكل

الاهداف

المنفذ

الدعوة

قلنا مش حتبقى زى دعوة الاضراب اللى فات اطلاقا

اولا لاسباب امنيه

الامن مش حيسيب الزيطة اللى حصلت للاضراب الاولانى تحصل تانى

الدعاية اللى حصلت صعب جدا تحصل تانى هيه اينعم مش حتوصل لقفل الفيس او حجبه فى مصر لانها حتبقى مكشوفه قوى وبعدين ماهوه فيه الف حاجة تانى غير الفيس

ماتنسوش دور المدونات واللى كانت عاملها فى 2005 وما قبلها ومابعدها

ثانيا الناس والشغل اينعم دولقتى فيه حركة واللى المفروض هيه الداعيه للاضراب ده بالتنسيق مع باقى القزى الوطنية اللى حتشارك فيه

بس فى نظرى مش حيبقى فيه شغل كبير من باقى الناس على الدعوه دى اولا حيكون قدام عنيهم حاجتيني اسراء واحمند ماهر واللى حصل فيهم

ومعتقلى المحله والاحكام الىل اخدوها وبخصوص دى فهيه سلبيه وايجابيه فى نفس الوقت من حيث اعمال الشغب او مافيش اعمال شغب بس هوه ممكن يومها يحطلك الف عمل ويتهمه فيك زى المرة اللى فاتت فى المحله


الشكل

وهوه ده الاخطر

الشكل حيكون ازاى شكل الاضراب حيكون ازاى

هل حيبقى اضراب كامل ومحدش يخرج من بيته ومحدش يستهلك حاجة ومحدش لاخر العريضه دى ولا ايه

ام هل حيبقى فيه بجانب الدعوة للاضراب وقفه مثلا فى الصحفيين ورائيى فيها انها حتبقى فاشله جدا لو حصلت لانه اولا العدد حيبقى قليل لانه كله حيبقى حاطط فى دماغه انه حيطلع من الوقفة على طره علطول وده فعلا حيحصل بنسبة 75 فى الميه

او انه يبقى فيه حاجات رمزية معينه بين كل مجموعه وكده زى فكرة اربعه نوفمبر اللى ماتعملتشى اصلا

الاربعات اربعات دى

وحتى ولو كانت اتعملت

مش حينفع

العدد اصلا مايكملشى اربع خمس مجموعات

لانه باقى الناس غير سته ابريل ماعتقدش حتشارك فى كده

نظريا يعنى

زى اللى حصل فى اربعه نوفمبر برضة


انا عن نفسى وسط الظروف اللى حتحصل فى الاضراب ده مش شايف غير شكل واحد فقط لانجاح الاضراب

اكيد فيه غيره كتير بس انا مش شايف غير ده

يتمثل فى انه تتم توجيه الدعوة والتنسيق مع

اولا

الناس اللى هيه اكتر ناس بتمر بمشاكل ونمسك مع الناس دى مشاكلها ونحطها فى جدول اهداف الاضراب

يعنى نفتت كل المشاكل وكل مجموعه تركز على مشكلة معينه تتوجه لاصحابها من الناس وتوعيهم بالاضراب وبانه حيرجعلهم حقهم وحيعمل ليهم اهتمام بمشاكلهم


مثلا مشاكل المياه وهكذا فى المناطق اللى كده نوصل لللناس وندعيهم للاضراب ونكلمهم فى المشاكل دى

وهكذا وطبعا الحركة انتشرت فى محافظات كتيرة وفيه مجموعات نشطة كبيرة جدا دلوقتى

دى نقطة التانيه بقى

واللى هيه مهمه جدا وصعبه جدا بس مش مستحيله

المؤؤسسات والنقابات العماليه والمهنيه الفرعيه منها والاساسيه

اللى هيه بتاعنى اصلا من مشاكل وكل يوميين والتانى سامعيين انه مجموعه كذا فى مكان كذا عاملين اضراب

المفروض يتحط ورقه عمل الناس دى كلها ويتم التواصل معاهم

وحشدهم والتنسيق وياهم

لما كنت فى سته ابريل سوهاج كانت ليه فكرة زى كده ومشيت فعلا فيها كان اساسها وانا فى مصر ساعه نطق الحكم فى طنطا قابلت واحدد بلدياتى وحكالى انه كان فى مصر كانوا عاملين فى النقابة العامه هوه ******** ماسك حاجة كبيرة فى النقابة فى سوهاج وكانوا عاملين اضراب فى النقابة العامه فى مصر علشان مشاكلهم واحنا راجعين كنت ظبطته جدا انه يشارك فى الاضراب اللى جاى وانه هوه وباقى المجموعه بتاعت سوهاج مستعدين بكل قوة ده حتى بعد ما رجعنا لسوهاج قابلته تانى ووصلنا اننا حاطين نقط كتيره اساسها انهم يصدروا بيان قبل الاضراب بالمشاركة فيه وحيعلنوا مطالبهم الفئوية اللى عايزينها وكمان المطالب العامه اللى الاضراب حيعملها

وبالفعل عجبتنى الفكرة وقررت انى اظبط فيها ناس تانى وفعلا لقيت موظفى بتوع الاوقاف فى مركزى هنا وكانوا حيعملوا تواصل مع الباقى فى فى المحاعظة كلها بس للاسف جات احداث اللى حصلت فى مجموعه سوهاج فشلكت كل حاجة ده غير انه مافيش رؤية واحد للحركة كلها حتعمل ايه فاماينفعشى انا اكون ماشى فى حاجة وتانى يوم القالك اربعه اربعه ماشيين فى الشوارع


وهكذا نكمل على الشغل ده

الاهداف بقى



اعتقد لسه فيه مناقشات دايره فى الحركة وكمان فى الجروب بتاع الاضراب على الاساس ده بس هيه مش حتتحدد صح غير عن طريق تحديد الشلكل لانه كل شكل وحتبقى ليه الاهداف بتاعته وكمان قبول الاهداف دى وتحقيقها حيكون متوقف على الشكل اللى حيتنفذ بيها الاضراب


المنفذ بقى اخر حاجة

دى بقى حيحددها هل حتبقى الحركة الموجوده ام حيبقى فيها حد تانى مشارك احزاب او حركات اخرى موجوده ومدى امكانيه مشاركتها اصلا وعلاقتها ايه يعنى ايه تحملها للنتيجه فى المشاركة

دى كلها حاجة بجد اتمنى انها تكون فى عين اللى بيضرب قصدى اللى بيحدد للاضراب