ربنا يطول عمرك شوية يامبارك ويقصر افعالك

كم اتمنى فعلا موت هذا الرجل ولكن
هل موت موبارك هو الحل طبعا لا
صوصا فى ايامنا دى استاحاله تكون وفاة حل بالعكس وفاته مشكلة اكبر من حياته
وجوده حيوى جدا وبل واهم من وجود قوى ده لو صح تسميتها قوى المعارضه فى مصر والافضل اننا نرفع النقطة اللى على حرف الضاد
دفعى لكتابه النوت دى تلات اشخاص
محمود سامى
كنا اتكلمنا سوا من فترة حول اهميه وجود مبارك فى الوقت الراهن
وحسام يحيى بالنوت بتاعته الاخرانيه واللى فيها
والاهم احمد عبدالعزيز
اللى كان كاتب عن والد مبارك اللى مات بعد 113 سنه وانه خايف ليموت قبل ما يقول المرحوم مبارك
انا طبعا مش بنادى بحياة الشخصية الغبيه دى
حبا فيه او فى انجازاته اللى تتمثل فى كوبرى اتكسر او سوبر ماركت
ومحدش يجيب سيرة الاربعه ونص مليون فرصة عمل بتوعد الاكاذيب الانتخابيه
عموما مش ده حديثنا دلوقتى
مبارك لو مات فى الوقت ده
كارثة فعلا على المصريين لانهم حيدخلوا مرحله مش حيخرجوا منها ولا اربعين سنه تانى لقدام
وده لاسباب عديدة طبعا اهمها
اولا خطة التوريث حتمشى بطريقة مثليه وهى ما احلى على قلب الحاشية المباركية لانها حتبقى شعبيه شوية
وحيعملوا فيها بقى زى سوريا
تانى يوم تلاقى انتاخابات حصلت ومش حيستنوا ستين يوم لا تانى يوم اصلا وتلاقى جمال بقى رئيس
والتوريث جه جه وبمباركة شعبيه الناس بقى حتقولك ده بقى يتيم وابوه ياما ياما ياما خدم البلد
ولا عمرنا حتى شوفنا نتيجه كويسة ولا عدلة للخدمة دى
وغير كده طبعا محدش ينتظر حاجه من معارضه هشه
اكبر حاجه تقدر تعملها
انها تنزل الشارع تختلف على يسقط مبارك ولا مايسقطشى
ولا عيب نشتمه ولا مش عيب ولا ده كخ يابابا وده مايصحشى يا اخ
ولا عمرهم عملوا حاجه لكى يسقط بيها مبارك
طالما عايزيين تهتفوا يسق قدموا حلول ليسقط دى حتم ازاى
ولا حنقعد مستنيين الفرج
وشكله فرج مات فى الطريق اصلا
علشان كده مش بتمنى مبارك يموت اليوميين دولا
بس طبعا ربنا يهده فى افعاله الندلة شوية سوا على الشعب او على الامة

يمكن يمكن يمكن يمكن
وماعتقدش
يمكن المعارضة المصرية ينصلح حالها شوية وتفكر ازاى تعمل حاجه
وربنا يسهل ويطلعوا السلم اللى ليهم سنيين واقفيين عليه ده
سوا صحفيين او غيره
ده السلم اشتكى يا جدعان
ربنا ياخدك يا حسنى بس شوية لقدام مش دلوقتى بس شكل الشوية دول حبطولوا