ايييه سلكه واحده عامله فينا كل ده
يوميين تلاته والنت مفصول خالص
والرابع والخامس النت بطئ قوى وبنسبة 40 فى الميه
وبيقولك الوضع ده حيستمر لحد اسبوعيين كمان يعنى حلنى على بال ما يحلوا الموضوع ده
طيب سيبكم خالص من قصة القطع والسلكه بنت السلك اللى كانت السبب
وتعالوا نفتح بس صفحه بيزنس الكابلات
الكلام فى الموضوع خطير
لانه بيتقعل بفلوس ضخمه جدا وموضوع شله دولية بتنهبنا كلنا بدايتها من وزيره خرابتنا قصدى وزارتنا للاتصلات والسلك
مغالطات كتير وقع فيها الوزير لازم تبقى محل مساله ليه
ماينفعش يعدى الموضوع ده
بالذات لو قارنا حجم الخساير اللى حصلت فى الموضوع كله سواء على الدولة نفسها او على الفقراء اصحاب السيبرات على الاقل اللى مصدر عيشهم الوحيد اتوقف تماما
كابلات اتقطعت ماعرفناش ايه سبب قطعها عن نفسى مش داخله دماغى حكاية الجو والارصاد الجوية ده خالص
وبعدين كابلات مش عارفيين مصيرها ايه تانى ومين اللى طقع وغرضه ايه والموضوع مسكوت عليه ليه
بس عندى سؤال واحد بس
هوه قصر الرياسة ده النت قطع فيه
يعنى جمال صبح الصبح كده لقى النت مقطوع ماعرفشى يكلم فروع الشركات ولا يبعت ليهم كلمة صباح السرقة على الايميل
طيب وجيجى الغلبناه اللى تلاقيها قاعدة وحيدة طول اليوم مش لاقيه حاجه تعملها بعد الشغل غير انها تشيت مع اللوظاويظ صحباتها او صحابها يعنى على الياهو ولايمكن بتستخدم هوت ولا جى ميل
طيب والست سوزا تلاقيها زعلانه جدا يا جماعه مش حتعرف ترغى مع اليزابيث تلات اربع ساعات زى كل يوم ده لو افترضنا ان اليزا اصلا بترضى تكلمها
ولا مرات لولو البت الحلوة قوى دى مش عارف جابها منيين هوه ومش فاكر اسمها اصلاص
ياعينى تلاقيها دى قاعدة وحيدة لاشركة ولا حتى سوبر ماركت اصلها كاتباهم كلهم باسم لولو ماهيه البلد نصها باسم لولو اصلاص
يلا ياعم محدش واخد منها سلك وربنا يعوضنا ويحفظ سلك دماغى لانه قرب ينفجر والله قريب قوى من ولاد الكلب دولا
