أه يا أمة فرحانة بضربة جزمة أمال فين ضرب النار

منتظر وهو يقذف بوش بحذائه

شوفتوا اللى حصل

مش ضربة بوش بالجزمة ابدا لا

انا اقصد العبط اللى حصل بعد الجزمة

مرحلة مابعد الجزمة كانت تعبر عن واقع الشباشب السياسى اللى بنعيشه فعلا

كله هلل وافراح مش عارف فين وليالى ملاح فى كذا مكان

حسسونى انهم اخدوا بتارهم من كل جرايم بوش فى ضربة الجزمة

كل واحد ضميره ارتاح

مابقاش بيائنبه على قتلى فلسطين ولا حصار غزة ولا اخواتنا فى افغانستنا ولا ملايين الضحايا فى العراق ولا الصومال ونسيوا بالطبع اطفال لبنان

ما خلاص

جزمة منتظر خلصتهم من الهم ده

وردت ليهم كرامتهم

احساس كده حسيته فى الناس من وراء اللى عمله منتظر

بجد حسيت انه كل واحد حاسس انه خلاص لا قرف بعد اليوم

وده من جزمة

امال لو كان موته كان حصل ايه بقى قولولى كده

يعنى ايه يعنى اللى حصل ده انا عن نفسى كفرح بالجزمة وهيه بتتلقح فوق وش بوش كده كان بجد مصدر افتخار بالراجل ده واللى عمله بجد

بس مش للحد اللى اتعاملت بيه الناس

ومش لحد انه كل واحد يريح نفسه بالشكل اللى حصل ده

وانه نكبر الموضوع بالشكل ده

أينعم من حقنا برضة نكبره _ الموضوع يعنى _ بينا على اساس انه اهانة لبوش ماشى

لكن نوسع الامر كده على انه خلاص اخدنا حقنا كده يبقى عيب قوى قوى قوى

طيب امتى بقى حنمسك السلاح ونرجع حقنا

انا شايف انه ما اخذ بالسلاح لا يرد الا بيه

انا بتكلم فى السلاح

وخدوا بالكم انى بعتبر الفكرة اقوى سلاح